काठमाडौं । पश्चिम रुकुमको चौजहारी हत्याकाण्डमा संलग्न भनिएका ३४ जनालाई कर्तव्य ज्यानमुद्दा दायर गरेको छ ।
जाजरकोटका नवराज विकसहित ६ जनालाई सामुहिक हत्या गरेको अभियोगमा उनरूहरूलाई जिल्ला अदालत पश्चिम रूकुममा मुद्दा दायर गरिएको हो ।
प्रहरीले सामुहिक हत्या भएको निष्कर्षसहित प्रतिवेदन बुझाएपछि जिल्ला सरकारी वकिलको कार्यालयले जिल्ला अदालतमा मुद्दा पेश गरेको छ ।
उनीहरुमाथि क्रुरतापूर्वक हत्या, ज्यान मार्ने उद्योग र जातीय भेदभावको आरोप लगाइएको छ ।
प्रहरीले नवराज विकसहित ६ जनाको योजनाबद्ध हत्या गरिएको निस्कर्ष निकालेको छ ।
क्रुरतापूर्वक हत्याको अभियोगमा संलग्नमाथि जन्मकैदको माग गरिएको छ । दुई जनालाई बालिबालिकाको श्रेणीमा राखि कारबाहीको माग गरिएको छ ।
मल्ल थरकी प्रेमिकाले फेसबुक मेसेन्जरमा आफुलाई लिन आउ भने बोलाएपछि नवराज आफ्ना १८ जना साथि लिएर पे्रमिका भगाउन गत जेठ १० गते सोती गांउ गएका थिए । उनीहरु गां पुगे लगत्तै गांउलेबाट उनीहरुमाथि आक्रमण भएको थियो । नवराज सहित ६ जनाको भेरी नदिबाट मृत अवस्थामा शव निकालिएको थियो । मृतकका आफन्तले मारेर फालेको आरोप लगाएकाछन् ।
प्रतिक्रिया