१५ फाल्गुन २०८०, मंगलबार | February 27, 2024

मुख्यमन्त्री गुरुङले गरे म्याग्दीको पहिरो प्रभावित क्षेत्रको निरीक्षण



पोखरा । गण्डकी प्रदेशका मुख्यमन्त्री पृथ्वीसुब्बा गुरुङले विहीबार म्याग्दीको पहिरो प्रभावित क्षेत्रको निरीक्षण गरेका छन् ।

मुख्यमन्त्री गुरुङ सेनाको हेलिकप्टरबाट राहत सामग्री लिएर भौतिक पूर्वाधार विकासमन्त्री रामशरण बस्नेत र सामाजिक विकासमन्त्री नरदेवी पुनका साथ प्रभावित क्षेत्रको निरीक्षणमा गएका हुन् ।

मुख्यमन्त्री गुरुङले मराङ र ताकममा गएको पहिरोले पुु¥याएको क्षतिको बारेमा जानकारी लिएर पीडितको आवश्यकताको विषयमा छलफल गरेका हुन । गत शुक्रबार म्याग्दीको बिम, मराङ र ठाडाखानीमा पहिरोका कारण २८ जनाको ज्यान गएको थियो । चार जना अझै बेपत्ता छन् ।

मुख्यमन्त्री गुरुङले पहिरो पीडितका लागि तत्काल अस्थायी र दीर्घकालीन बसोबासको व्यवस्था मिलाउने बताए । “विपदमा परेका नागरिकको साथमा प्रदेश सरकार छ,” उनले भने “सुरक्षित र दीर्घकालीन बसोबासको व्यवस्था मिलाउछौँ ।”

पहिरो पीडितको अस्थायी बसोबास भएको ठाउँमा महामारी फैलिन नदिन स्वच्छ खानेपानी र सरसफाइका लागि सहयोग गर्ने आश्वासन मुख्यमन्त्री गुरुङले दिए ।

धवलागिरि गाउँपालिकामा पहिरोबाट ७२ घरधुरीका ५१५ जना पूर्ण रुपमा विस्थापित भएको जिल्ला प्रशासन कार्यालयले जनाएको छ । मालिका गाउँपालिकाको बिममा २० घरका ९९ जना पूर्ण र ४२ घरका १८५ जना आंशिक रुपमा विस्थापित भएको सहायक प्रमुख जिल्ला अधिकारी महेश सुवेदीले बताए ।

पहिरोका कारण सडक, विद्युत र सञ्चार सेवा अवरुद्ध भएको छ । राहत र पहिरो पीडितको ब्यवस्थापनको कामलाई सहज बनाउन दरवाङदेखि ताकम हँुदै मुना र बिम हुँदै मराङ जोड्ने सडक मर्मतका लागि जिल्ला समन्वय समितिले रु एक करोड बजेट विनियोजन गरेको छ । दुई वटा पालिकालाई सडक मर्मतका लागि रु ५०÷५० लाखका दरले वजेट विनियोजन गरेको जिसस प्रमुख देवेन्द्र केसीले बताए ।

प्रकाशित मिति : १ श्रावण २०७७, बिहिबार  ८ : ३६ बजे

पेरिसडाँडामा माओवादी स्थायी समिति बैठक जारी

काठमाडौं । नेकपा माओवादी केन्द्रको स्थायी समिति बैठक बसिरहेको छ

स्कार्पियो र मोटरसाईकल ठोक्किँदा सर्लाहीमा रौतहटका २ युवकको मृत्यु

रौतहट। सर्लाही स्थित पूर्व पश्चिम हुलाकी सडक अन्तर्गत कौडेना गाउँपालिका

कृषिलाई प्राथमिकता नदिएसम्म देश बन्दैन : सांसद प्रेम सुवाल

काठमाडौँ । नेपाल मजदुर किसान पार्टीका तर्फबाट भक्तपुर निर्वाचन क्षेत्र

बारा विस्फोट अपडेट : मृतक संख्या दुई पुग्यो, घाइते चार जनाको उपचार हुँदै

बारा । बाराको निजगढ नगरपालिका-७ स्थित गाडी मर्मत गर्ने ग्यारेज

उपप्रमुख सञ्जालको सातौँ बैठक सम्पन्न : संशोधन विधेयकमा साझा धारणा बनाउने

काठमाडौं । काठमाडौं उपत्यकाको स्थानीय तह उपप्रमुख/उपाध्यक्ष सञ्जालको बैठकले स्थानीय