काठमाडौं । नेपाल कम्युनिष्ट पार्टी (नेकपा)को प्रचण्ड–नेपाल पक्षले अध्यक्ष केपी शर्मा ओलीलाई पार्टी अध्यक्षबाट निस्काशन गरेको छ ।
बबरमहलमा जारी केन्द्रीय कमिटी बैठकले ओलीलाई कारवाही गरी अध्यक्षबाट हटाउने स्थायी समितिको निर्णयलाई अनुमोदन गरेको छ ।
नेकपाका ४४६ जना केन्द्रीय सदस्यमध्ये ३१५ जनाको उपस्थिती रहेको बैठकले ओलीलाई हटाउने निर्णय गरेको हो ।
पार्टीको दुई तिहाई भन्दा बढी सदस्यहरुको उपस्थितिी सञ्चालन भएको बैठकले आइतबार स्थायी कमिटी बैठकले गरेको अनुशासनको कारवाहीको निर्णयलाई अनुमोदन गर्दै ओलीलाई अध्यक्षबाट हटाएको हो । नेकपामा अहिले भने ४४१ सदस्य कायम रहेका छन् ।
प्रधानमन्त्री एवं पार्टी अध्यक्ष ओलीलाई बैठकले संगठन, संविधान र देशको हित विपरित कार्य गरेको आरोप लगाउँदै पदबाट हटाएको हो ।
बैठकले ओलीलाई निष्काशन गरेपछि सो स्थानमा वरिष्ठ नेता माधवकुमार नेपाललाई चयन गरेको छ । वरिष्ठ नेता झलनाथ खनालको प्रस्तावमा बैठकले नेपाललाई एक मतले अध्यक्ष चयन गरेको हो ।
प्रतिक्रिया