ब्रेक फेल हुँदा सडकमा ठाडै उभियो यात्रुबाहक बस

काठमाडौं । सामाजिक सञ्जालमा एकाएक भाइरल भएको तस्वीर कुनै एआई वा सम्पादन गरिएको दृष्य होईन । पोखराको लेखनाथ अर्चलेमा ब्रेक फेल भएर भएको भनिएको बस दुर्घटनाको दृष्य हो । सो दुर्घटनाबाट दुई जना घाइते भएका छन् । लेखनाथ क्षेत्रको आरुपाटाबाट पोखरा आउँदै गरेको ग१ख ८६८० नम्बरको बस अर्चलेमा ब्रेक फृल भएर सडकमा उभिन पुगेको हो ।

बसमा रहेको दुईजनामा दुबैजना घाइते भएका छन् । दुर्घटना भएको बसमा बसका चालक टीकाराम बिक र सहचालक सालिकराम सुवेदीमात्र थिए । उनीहरूको पोखरा स्वास्थ्य विज्ञान प्रतिष्ठानमा उपचार हुँदै छ ।

बसमा चालक र सहचालकमात्र रहेको जिल्ला प्रहरी कार्यालयल कास्कीका सूचना अधिकारी सूर्यबहादुर रानामगरले जानकारी दिए । बस दुर्घटना भएको तस्वीर र भिडियो अहिले सामाजिक सञ्जालमा भाइरल भएको छ । बस सडकमा ठाडै उभिएको तस्वीर र भिडियो सामाजिक सञ्जालमा भाइरल भएको हो ।