काठमाडौं । नेपाल कम्युनिष्ट पार्टी(नेकपा) औपचारिकरुपमा विभाजित भएपछि आ आफु आधिकारिक नेकपा भएको दुबै पक्षले दाबी गरिरहेका छन् । नेकपा ओली समूहले मंगलबार केन्द्रीय समिति बिस्तार गरेको सुचना निर्वाचन आयोगमा दर्ता गर्दै आफु आधिकारिक नेकपा भएको दाबी गरेको थियो भने आज बुधकार नेकपाको प्रचण्ड(नेपाल पक्षले ३ सय १५ केन्द्रीय समितिको हस्ताक्षरसहितको विवरण लिएर आफुहरु आधिकारिक नेकपा भएको दाबी प्रस्तुत गर्न निर्वाचन आयोग जाने भएका छन् । सो समूहले यस अघि नै अध्यक्ष केपी ओलीलाई कारवाही प्रक्रिया अगाडी बढाएको सुचना आयोगमा बुझाएको थियो ।
स्रोतका अनुसार बहुमत केन्द्रीय सदस्यको हस्ताक्षरसहित सबै विवरण बुझाउन नेकपा माधव प्रचण्ड समूहका नेताको टोली अहिले बिहान निर्वाचन आयोग जानेछ।
यसअघि नेकपा विभाजित हुने अवस्था आएपछि माधव प्रचण्ड समूहले ४ सय ४१ सदस्यको विवरण आयोगमा बुझाएको थियो।
नेकपाको आधिकारिक पार्टी हुन बहुमत सदस्य र ती सबैको विवरण, नागरिकतासहित सनाखत हुनुपर्ने व्यवस्था छ।
सोमबार स्थायी समिति सदस्य लीलामणि पोखरेलले निर्वाचन आयोग पुगेर प्रधानमन्त्री केपी शर्मा ओलीलाई अध्यक्ष पदबाट हटाइएको र केन्द्रीय सदस्यको बहुमत प्रचण्ड(नेपालका पक्षमा रहेको दाबी पत्र दर्ता गरेर फर्केका थिए ।
निर्वाचन आयोगबाट पार्टीको नाम, चुनाव चिह्न पनि बहुमत सदस्य भएको पक्षले नै पाउनेछ।
प्रतिक्रिया