कोरोना अपडेट : मृत्यु हुनेको संख्या ५३ हजार नाघ्यो, १० लाख बढी सक्रमित

काठमाडौ । विश्वभर महामारीकोरुपमा फैलिएको कोरोना भाइरस (कोभिड–१९) संक्रमितको संख्या विश्वभर १० लाख नाघेको छ । यस्तै ५३ हजार १ सय ६७ जनाको मृत्यु भएको छ ।

अमेरिकामा सबैभन्दा धेरै २ लाख ४४ हजार ८ सय ७७ जनामा संक्रमण पुष्टि भएको छ । यसैगरी इटालीमा १ लाख १५ हजार २ सय ४२ र स्पेनमा १ लाख १२ हजार ६५ जना संक्रमित छन् ।

जर्मनीमा संक्रमितको संख्या ८४ हजार ७ सय ९४ छ । मृतकको संख्या भने इटलीमा धेरै छ । तर एकै दिनमा  फ्रान्समा  १ हजार ३५५ जनाले ज्यान गुमाएसँगै मृत्यु हुनेको संख्या ५ हजार ३८७ पुगेको छ ।

इटलीमा कोरोना भाइरसको संक्रमणबाट १३ हजार ९ सय १५ जनाको मृत्यु भएको छ । स्पेनमा १० हजार ३ सय ४८  जनाको मृत्यु भएको छ । पछिल्लो २४ घन्टामा विश्वरमा १० हजार मानिसले कोरोना संक्रमणबाट ज्यान गुमाएका छन् ।