उदयपुरका थप दुईजनामा कोरोना संक्रमण पुष्टि, संक्रमितको संख्या ४२ पुग्यो

काठमाडौ । उदयपुरका थप दुईजनाको कोरोना संक्रमण पुष्टि भएको छ ।

राष्ट्रिय जनस्वास्थ्य प्रयोगशाला टेकुमा पिसिआर बिधिबाट परीक्षण गरिएका थप दुईजनामा कोरोना संक्रमण पुष्टि भएको स्वास्थ्य मन्त्रालयका सहप्रवक्ता डा. समीर अधिकारीले जानकारी दिनुभयो ।

यो सँगै नेपालमा संक्रमितको संख्या ४२ पुगेको छ । मंगलबार नै स्वास्थ्य मन्त्रालयको नियमित पत्रकार सम्मेलनमा उदयपुरकै एकजना र सुनसरीको धरानस्थित वीपी कोइराला स्वास्थ्य विज्ञान प्रतिष्ठानमा आठजना गरी ९ जनामा संक्रमण पुष्टि भएको थियो । उनीहरु सबै उदयपुरका हुन् ।

यसअघि उदयपुरको त्रियुगा नगरपालिका–३ भुल्केस्थित मस्जिदमा रहेका १३ जनामा कोरोना संक्रमण देखिएको थियो ।