काठमाडौ । लकडाउन के गर्ने भन्ने विषयमा छलफल गर्न बोलाइएको मन्त्रिपरिषद् बैठक बेलुकी ५ बजेसम्मलाई सरेको छ । प्रधानमन्त्रीको व्यस्ताले गर्दा बैठक सारिएको प्रधानमन्त्री तथा मन्त्रिपरिषद् कार्यालय स्रोतले जनाएको छ ।
मन्त्रिपरिषद् बैठकअघि प्रधानमन्त्रीले लकडाउनका विषयमा कोभिड-१९ क्राइसिस म्यानेजमेन्ट टिमसँग छलफल गर्ने तयारी छ । यसअघि मन्त्रिपरिषद् बैठक दिउँसो दुई बजेका लागि बोलाइएको थियो ।
कोभिड-१९ को रोकथाम तथा नियन्त्रणका लागि उपप्रधान तथा रक्षामन्त्री ईश्वर पोखरेल नेतृत्वको उच्चस्तरीय समन्वय समितिले कार्यदलको सुझावका आधारमा एकहप्ता लकडाउन थप्न सुझाव दिएको थियो ।
अर्को हप्तादेखि भने लकडाउनलाई खुकुलो बनाउने सुझाव पनि समितिको कार्यदलले दिएको छ । चैत ११ गतेदेखि जारी लकडाउन भोलि सकिदैछ ।
लकडाउनका कारण कोरोना संक्रमण नियन्त्रण उन्मुख भएको उच्चस्तरीय समितिको निष्कर्ष छ । उच्चस्तरीय समितिमा भने कम प्रभावित क्षेत्रमा लकडाउन खुकुलो बनाउने विषयमा पनि हिजो छलफल भएको थियो ।
प्रतिक्रिया