झापा । स्वास्थ्य तथा जनसंख्या मन्त्रालयका अनुसार झापामा थप एक जनालाई कोरोना भाइरस पोजेटिभ देखिएको छ । ५० वर्षीय एक पुरुषमा कोरोना पोजेटिभ देखिएको हो । यसअघि पनि झापामा ६२ वर्षीय एक पुरुषमा काेराेना देखिएकाे छ । कोशी अस्पताल बिराटनगरमा भएको परीक्षणको नतिजाअनुसार एक संक्रमित थपिएका हुन् ।
स्वास्थ्य तथा जनसंख्या मन्त्रालयका अनुसार आइतबारसम्म ५१ हजार ३६७ जनाले कोरोना परीक्षण गराएका छन् । तीमध्ये पिसीआर विधिबाट ९ हजार ९३१ र र्यापिड डाइग्नोस्टिक टेस्टबाट ४१ हजार ४३६ जनाको परीक्षण गरिएको प्रवक्ता डा. विकास देवकोटाले जानकारी दिनुभयो । गत २४ घण्टामा २ हजार ९६ को परीक्षण गरिएको देवकोटाले बताउनुभयो ।
यस्तै, १७ हजार २५ जना क्वारेन्टाइनमा रहेका छन् भने आइसोलेशनमा ११० जना छन् । तीमध्ये ६ जना काठमाडौं उपत्यकामा आइसोलेशनमा रहेको प्रवक्ता देवकोटाले जानकारी दिनुभयो ।
प्रतिक्रिया