काठमाडौ । विश्वभर महामारीको रुप लिएको कोरोना भाइरस (कोभिड–१९) का कारण अमेरिकामा मृत्यु हुने मानिसको संख्या ५५ हजार नाघेको छ ।
सोमवार विहान सम्म थप १ हजार २ सय ४० जनाको मृत्यु भएको छ । योसँगै कोरोनाको संक्रमणबाट अमेरिकामा मृत्यु हुनेको संख्या ५५ हजार ४१३ पुगेको हो ।
पछिल्लो २४ घण्टामा त्यहाँ २६ हजार ८६७ जना नयाँ संक्रमित थपिएका छन् । यो सँगै संक्रमित हुने मानिसको संख्या ९ लाख ८७ हजार १६० पुगेको छ ।
अमेरिकामा संक्रमितमध्ये १ लाख १८ हजार ७८१ जना उपचारपछि निको भएका छन् । उपचार गराइरहेका ८ लाख १२ हजार ६४५ जनामध्ये १५ हजार १४३ जनाको अवस्था गम्भीर रहेको छ ।
प्रतिक्रिया