१५ फाल्गुन २०८०, मंगलबार | February 27, 2024

रामग्राममा राहतका लागि राखिएको चामल न्यून गुणस्तरको, मिल संचालकलाई ठगी मुद्दा



बुटवल । नवलपरासीको रामग्राम नगरपालिकाबाट राहतका रुपमा वितरण गरिएको चामल न्यून गुणस्तरको रहेको पाईएको छ ।

सो नगरपालिकामा वितरण गरिएको राहत चामल गुणस्तरहीन भएको जनगुनासो आएपछि गरिएको ल्याव परीक्षणमा चामल न्यून गुणस्तरको भेटिएको खाद्य प्रविधि तथा गुण नियन्त्रण कार्यालय भैरहवाले जनाएको छ । स्थानीय राजेश राईस मिल रामग्राम ६ पोखरापालीबाट उत्पादन गरिएको चामल नगरपालिकाको परिषरमा राहत वितरण गर्ने भनि राखिएको थियो ।

सोही चामलको नमुना प्रयोगशालामा परीक्षण गर्दा न्यून गुणस्तरको साथै खाद्य ऐनको समेत उलंघन गरेको पाईएको खाद्य प्रविधि तथा गुण नियन्त्रण कार्यालय भैरहवाका प्रमुख विमल कुमार दहालले जानकारी दिनुभयो । उहाँका अनुसार राहतका लागि भनि वितरण गर्न राखिएको चामल न्यून गुणस्तरको भएको गुनासो सँगै कार्यालयमा उजुरी परेको थियो ।

सो उजुरीका आधारमा कार्यालयका खाद्य निरीक्षक पदमराज भुषालको नेतृत्वमा रहेको टोलीले चामलको नमुना परीक्षण गरेको थियो । परीक्षणका क्रममा उक्त चामल न्यून गुणस्तरको रहेको र मिलले खाद्य ऐनको समेत उलंघन गरेको पाइएको थियो ।

ऐन उलंघन गरिएको कसुरमा राजेश राईस मिलका संचालक पटवारी बनिया उपर खाद्य ऐन २०२३ दफा ३ उपदफा २ वमोजिम कार्वाहीका लागि जिल्ला प्रशाशन कार्यालय नवलपरासीमा र न्यून गुणस्तरको कमशल चामल विक्रि गरेकोमा खाद्य ऐन ०२३ दफा ५ को उपदफा १ बमोजिम कार्वाहीका लागि जिल्ला अदालत परासीमा मुद्दा दायर गरिएको कार्यालय प्रमुख विमल कुमार दहालले जानकारी दिनुभयो ।

चामलको नुमना १० केजी र १५ केजीका दुई शिलवन्दी प्याकेटबाट गरिएको समेत दहालले बताउनुभयो । मिल संचालक वनिया उपर आईतबार मुद्दा दर्ता गरिएको हो ।

प्रकाशित मिति : १५ बैशाख २०७७, सोमबार  १० : ४६ बजे

कृषिलाई प्राथमिकता नदिएसम्म देश बन्दैन : सांसद प्रेम सुवाल

काठमाडौँ । नेपाल मजदुर किसान पार्टीका तर्फबाट भक्तपुर निर्वाचन क्षेत्र

बारा विस्फोट अपडेट : मृतक संख्या दुई पुग्यो, घाइते चार जनाको उपचार हुँदै

बारा । बाराको निजगढ नगरपालिका-७ स्थित गाडी मर्मत गर्ने ग्यारेज

उपप्रमुख सञ्जालको सातौँ बैठक सम्पन्न : संशोधन विधेयकमा साझा धारणा बनाउने

काठमाडौं । काठमाडौं उपत्यकाको स्थानीय तह उपप्रमुख/उपाध्यक्ष सञ्जालको बैठकले स्थानीय

अम्बर गुरुङको ‘नेपाली अर्केस्ट्रा’ बनाउने सपना

काठमाडौं । नेपाली गीत, सङ्गीतका क्षेत्रमा सङ्गीत सम्राटका रुपमा सम्झिने

आज ४२ औँ मगर एकता दिवस मनाइँदै

नवलपरासी । देशैभरका मगर समुदायले आज ४२ औँ राष्ट्रिय मगर