काठमाडौ । रौतहटमा थप दुईजनामा कोरोना भाइरसको संक्रमण पुष्टि भएको छ ।
वृन्दावन नगरपालिकाका २५ वर्षी पुरुष र देवाही गोनाहीका ३५ वर्षीय पुरुषमा कोरोना संक्रमण पुष्टि भएको थियो ।
वृन्दाबनका पुरुष चन्द्रपुरको क्वारेन्टाइनमा १४ दिन बसेर घर फर्किएका थिए भने गोनाहीका संक्रमित भने अहिले पनि क्वारेन्टाइनमै छन् । योसँगै नेपालमा ५४ जनामा कोरोना भाइरसको संक्रमण भएको पुष्टि भएको छ ।
दुवैजनाको जनकपुरमा स्वाब परीक्षण गर्दा रिपोर्ट नेगेटिभ आएको थियो । तर काठमाडौंको टेकुस्थित राष्ट्रिय जनस्वास्थ्य प्रयोगशालामा गरेको परीक्षणमा कोरोना संक्रमण पुष्टि भएको छ ।
यसअघि रौतहटको इसनाथ नगरपालिकाका एक पुरुष उपचारपछि घर फर्किएका छन् ।
प्रतिक्रिया