आजको मौसम : मेघगर्जन, चट्याङ, असिना र हावाहुरीसहित बर्षाको सम्भावना

काठमाडौ । अहिले देशभर पश्चिमी वायु, स्थानीय वायु र पूर्वी भू-भाग नजिक बनेको न्यून चापीय क्षेत्रको प्रभाव हुनुका साथै बंगालको खाडी र अरब सागरबाट समेत जलवाष्पयुक्त हावा नेपाल प्रवेश भएको मौसम पूर्वानुमान महाशाखाले जनाएको छ ।

हाल पुर्वी भू-भागमा सामान्य बदली र मध्य पहाडी भू–भागमा आंशिक बदली भै अन्य वाँकी भू-भाग मौसम सामान्यतया सफा रहेको महाशाखाले जनाएको छ ।

आज दिउँसो देशभर सामान्य बदली रही केही स्थानहरुमा मेघगर्जन, चट्याङ, असिना र हावाहुरी सहित हल्का देखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ ।

आज राती देशभर सामान्य बदली रही केही स्थानहरुमा मेघगर्जन, चट्याङ, असिना र हावाहुरीसहित हल्का वर्षाको सम्भावना रहेको महाशाखाले जनाएको छ ।