कोरोना भाइरसका १७० नयाँ संक्रमित थपिए, देशभर १२१२ जना पुगे

काठमाडौं । कोरोना भाइरसको संक्रमणबाट पछिल्लो २४ घण्टामा १७० जना व्यक्ति संक्रमित भएका छन् ।

कोशी अञ्चलको प्रयोगशालामा गरिएको परीक्षणमा २७ जना व्यक्तिमा कोरोना पोजेटिभ पुष्टि भएको छ । यस्तै, धरानस्थित वीपी कोइराला स्वास्थ्य विज्ञान प्रष्तिष्ठानमा ५ जना र नारायणी प्रयोगशालामा परीक्षण गर्दा ९ जना संक्रमित देखिएका छन् ।

यस्तै, पाटन स्वास्थ्य विज्ञान प्रतिष्ठानमा १ जना, गण्डकी प्रादेशिक अस्पतालमा १ जना, भेरी अस्पतालमा १० जना थपिएका छन् ।

भरतपुर अस्पतालको प्रयोगशालामा गरिएको परीक्षणमा ६ जना थपिएका छन् भने राष्ट्रिय जनस्वास्थ्य प्रयोगशाला टेकुमा गरिएको परीक्षणमा सबैभन्दा धेरै ८४ जना व्यक्तिमा कोरोना पोजेटिभ देखिएको छ । यस्तै, राप्ति स्वास्थ्य विज्ञान प्रतिष्ठानमा ११ जना थपिएका छन् ।

हालसम्म देशभर संक्रमित हुनेको संख्या १२१२ पुगेको छ । जसमध्ये १०९ जना महिला रहेका छन् ।