नेपालगन्ज । कोहलपुरमा नेपाली सेनाको गाडिले मोटर साइकललाई ठक्कर दिँदा १ जनाको मृत्यु भएको छ भने १ जना गम्भिर घाईते भएका छन् ।
कोहलपुरको ए.न टि.भी रोडमा नेपाली सेनाको बा २ झ ६३४१ नंको गाडिको ठक्कर बाट भे ४ प ७६२० न को मोटर साईकलमा सवार कोहलपुर २ का किरण भुषालको घटना स्थलमै मृत्यु भएको प्रहरीले जनाएकोे छ ।
उक्त मोटर साईकलमा सवार बार बर्दिया ४ कि प्रतिक्षा भुषाल गम्भीर घाईते भएको इलाका प्रहरी कार्यालय कोहलपुरले जनाएको छ । उनको नेपालगंज मेडिकल कलेज शिक्षण अस्पताल कोहलपुरमा उपचार भई रहेको प्रहरीले जनाएको छ ।
नेपालगंजबाट कोहलपुर तर्फ आई रहेको सेनाको गाडिले एन टि भि चोकमा मोटर साईकल लाई ठक्कर दिएको थियो । ठक्कर पछि सेनाको गडि सडक छेउमा रहेको डिभाईडरमा ठोक्किएको स्थानिय प्रत्यक्षदर्शीले जनाएका छन ।
ठक्कर दिने नेपाली सेनाको गाडिलाई नियन्त्रणमा लिएको ईलाका प्रहरी कार्यालय कोहलपुरले जनाएको छ ।
प्रतिक्रिया