दुई जना स्वास्थ्यकर्मीमा कोरोना संक्रमण, भक्तपुरकी संक्रमित महिला नर्सिङ सेवामा कार्यरत

काठमाडौं । भक्तपुरमा मंगलबार कोरोना संक्रमण पुष्टि भएकी नर्स भएको खुलेको छ । योसँगै नेपालमा दुई जना नर्समा कोरोना पुष्टि भएको छ ।

मध्यपुर ठिमी बस्ने संक्रमित महिला नर्स भएको खुलेको छ । सुनसरीको रामधुनी नगरपालिका स्थायी घर भएकी २५ वर्षाीया महिलामा आरोग्य ललितपुरको पूल्चोकमा रहेको आरोग्य फाउन्डेसनमा कार्यरत नर्स भएको जिल्ला प्रशासन कार्यालय भक्तपुरले जनाएको छ ।

नर्समा कोरोना देखिएपछि सम्भावित जोखिम कम गर्न आरोग्य फाउन्डेसनलाई सिल गरिएको छ । एकै भवनमा रहेको निदान अस्पताललाई पनि सिल गरिएको छ ।

यसअघि मंगलबार कपिलवस्तुको तौलिहवा अस्पतालमा कार्यरत नर्समा पनि कोरोनाभाइरस पोजेटिभ रहेको पुष्टि भएको थियो ।

काठमाडौंका संक्रमित तीनै जनालाई टेकु अस्पतालमा भर्ना गरिएको छ ।