कैलाली । कैलालीको जानकी गाउ“पालिका वडा नं.–८ भोक्सीबाट प्रहरीले ८ ग्राम ब्राउन सुगर सहित तीन जनालाई पक्राउ गरेको छ ।
टीकापुरका प्रहरी प्रमुख एवं डीएसपी मनोहरप्रसाद भट्टका अनुसार लागुऔषध ब्राउन सुगरसहित पक्राउ पर्नेमा जानकी गाउपालिका वडा नं.–६ सुवर्णपुरका ३० वर्षीय दीपक विश्वकर्मा, वडा नं.–८ भोक्सीका २० वर्षीय राजेश थापा र टीकापुर नगरपालिका वडा नं.–१ भूतपूर्व कमैया शिविरका २९ वर्षीय नेत्रबहादुर हमाल रहेका छन् ।
प्रहरीले उनीहरूको साथबाट से ४ प ५४४७ नम्बरको मोटरसाइकल समेत बरामद गरेको छ ।
गस्तीका क्रममा उनीहरूलाई लागु औषध सेवन गरिरहेको अवस्थामा नियन्त्रणमा लिइ खानतलासी गर्दा ८ ग्राम ब्राउन सुगर बरामद गरिएको हो ।
टीकापुर प्रहरीले पक्राउ परेका तीनै जनालाई जिल्ला चलान गरेको छ भने कैलाली जिल्ला अदालतबाट ७ दिनको म्याद थप गरी उनीहरूमाथि अनुसन्धान भइरहेको जनाएको छ ।
उनीहरूलाई लागुऔषध नियन्त्रण ऐन, २०३३ बमोजिम कसुरको अवस्था हेरी कसुरदारलाई पा“चदेखि १० वर्षसम्म कैद र ५ हजारदेखि २५ हजार रूपैया“सम्म जरिवाना हुने प्रावधान रहेको छ ।
प्रतिक्रिया