पशुपति गौशालाको संयोजनमा असाहयलाई खाना खुवाउने क्रम जारी

काठमाडौं । कोरोना भाईरसको संक्रमणबाट जोगिन सरकारले लगाएको लगाएको लकडाउन निरन्तर जारि छ । तर, लकडाउनकै कारण दैनिक खाना खानसमेत अप्ठेरोमा परेका व्यक्तिहरुलाई पशुपति गौशालाको व्यवस्थापनमा खाना खुवाईंदै आएको छ ।

खाना खुवाउने कार्यक्रमलाई हिन्दू स्वयम् सेवक सघं परिवारका सदस्यहरूले संयोजन गरेका छन् । बुधबार पनि काठमाडौं उपत्यकाका विभिन्न स्थानमा खाना खुवाइएको छ ।

बुधबार तीनकुने गैरीगाउँमा ४८६ जना , भक्तपुर जिल्लाको जडिबुटी मनोहरा सुकुम्बासी बस्तीमा १८०७ जना, सिफलमा १४० जना, काठमाण्डौ ओम् शान्ति चोकमा ७८७ जना गरी ३२२० जनालाई खाना खुवाइएको पशुपति गौशालाले जनाएको छ ।

लकडाउनको कारण घर जान नपाएकाहरुका परिवार, असाहय, गरिब परिवारहरुलाई पशुपति गौशालाले लकडाउनको तेस्रो दिनबाट खाना वितरणको व्यवस्थापन कार्य सुरु गरेको थियो । खाना वितरण कार्य लकडाउन अवधिभरि नै जारी रहने पनि जनाईएको छ ।