काठमाडौं । बिहीबार कोरोना भाइरसका अर्का एक संक्रमित थपिएका छन् ।
स्थास्थ्य तथा जनसंख्या मन्त्रालयले अद्यावधिक गरेको नयाँ तथ्यांक अनुसार भरतपुर अस्पतालको कोभिड १९ प्रयोगशालामा गरिएको परीक्षणमा नवलपरासी (पूर्व) देवचुली नगरपालिका वडा नं. १२ निवासी ४९ वर्षीय पुरुषलाई संक्रमण देखिको छ ।
यसअघि गण्डकी प्रदेशको बागलुङमा दुई जना महिलालाई संक्रमण भएको थियो । दुवै जना निको भएर घर फर्किएका छन् । नवलपरासीमा संक्रमण देखिएसँगै गण्डकी प्रदेशमा कोरोनाले पुनः प्रवेश गरेको छ ।
संक्रमितको अवस्था सामान्य रहेको उनी चिकित्सकको सम्पर्कमा रहेको मन्त्रालयले जनाएको छ । यससँगै नेपालमा कोरोना भाइरसका संक्रमितको संख्या २४६ पुगेको छ ।
प्रतिक्रिया