काठमाडौं । सरकारले संसदमा दर्ता गराएको संविधान संशोधन प्रस्तावको विधेयक आज संसद पेश हुँदैछ ।
दिउँसो २ बजे बस्ने बैठकमा कानुनमन्त्री डा. शिवमाया तुम्बाहाङ्फेले ‘नेपालको संविधान दोस्रो संशोधन विधेयक २०७७’ पेश गर्ने कार्यसूची बनेको छ ।
विधेयकलाई सर्वसम्मत पारित गराउन प्रधानमन्त्री केपी शर्मा ओलीले मंगलबार साँझ सर्वलीय बैठकको आह्वान गर्नुभएको थियो । बैठकमा प्रधानमन्त्री ओलीले राष्ट्रियता जस्तो संवेदनशील मुद्दामा कुनै शर्त नराखी सबै दलहरु एकमत भएर सर्वसम्मत विधेयक पारित गर्नुपर्ने आग्रह गर्नुभएको थियो ।
विधेयकमा लिम्पियाधुरा, कालापानी र लिपुलेक लगायतका भूभाग समेटिएको नेपालको नयाँ नक्सा संविधानको अनुसूची ३ मा उल्लेख गरिएको निशान छापमा राख्नुपर्ने भएकाले संविधान संशोधन गर्न लागिएको हो ।
सरकारले गत जेठ ९ गते संसद सचिवालयमा संशोधन विधेयक दर्ता गरिएको थियो ।
प्रतिक्रिया