काठमाडौं । आज अपरान्ह बस्ने मन्त्रिपरिषद् बैठकमा लकडाउनको मोडालिटीबारे छलफल हुनेभएको छ ।
प्रधानमन्त्रीको सरकारी निवास बालुवाटारमा बस्ने बैठकमा लडकडाउनको मोडालिटी परिर्वतन, विदेशमा अलपत्र परेका नेपालीको उद्धार लगायतका विषयामा छलफल हुदैछ ।
बुधबार साँझ प्रधानमन्त्री केपी शर्मा ओलीले विभिन्न क्षेत्रका विषयविज्ञसँग जारी लकडाउनको मोडालिटी परिवर्तन गर्नेबारे सुझाव संकलन गर्नुभएको थियो ।
छलफलमा सहभागी अधिकांशले लकडाउनको मोडालिटी परिवर्तन गर्न सुझाव दिएका थिए भने लामो समयसम्म उद्योग कलकारखाना बजार ब्यवसाय बन्द हुँदा उद्योगी व्यवसायीले लकडाउन उल्लंघन गर्ने चेतावनी समेत दिएक छन् ।
विज्ञको सल्लाह र व्यवसायीको दवावपछि सरकार लडकडाउनको मोडालिटी परिवर्तन गर्ने सोचाईमा पुगेको हो । गत चैत ११ गतेदेखि जारी लकडाउन आज ७२ औं दिनमा पुगेको छ ।
प्रतिक्रिया