बुटवल । कोभिड-१९ विश्वव्यापी संक्रमणको कारणबाट उत्पन्न असहज परिस्थितिका कारण विदेशमा अलपत्र परेका र स्वदेश आउनु पर्ने अवस्थामा रहेका नेपाली नागरिकहरुलाई नेपाल ल्याउने क्रम जारी छ ।
बिपद ब्यवस्थापन केन्द्रका अनुसार आइतवार मात्र विभिन्न मुलुकबाट नेपाल फर्कन निबेदन दिएकाहरु मध्ये१ हजार १ सय ५० नेपालीहरु नेपाल आईपुगेका छन् । आज मध्यान्ह सम्म कतार, साउदी अरब, युनाईटेट अरब ईमिरेट युएई, कुवेत र बंगलादेशबाट ११ सय बढी नेपाली नेपाल आईपुगेकाछन् ।
उनीहरुलाई नेपाली सेनाले बनाएको होल्डीङ सेन्टरमा राखि स्वास्थ्य परिक्षण तथा ब्यक्तिगत बिवरण लिएर सम्बन्ति पालिकाको क्वारेन्टाइनमा बस्ने गरि गन्तब्य पु-याउने ब्यवस्था भएको सीसीएमसीले जनाएको छ । सीसीएमसीका अनुसार आज मध्यराती सम्म युएई र मलेसियाबाट थप ३०० नेपाली स्वदेश आईपुग्ने छन् ।
युएईबाट मात्र आज २ उडान भएको थियो । हिमालय एयरलाईन्सको फ्लाईट नम्बर H95672 र फ्लाईट नम्बर FZ8627 को अर्को बिमानबाट ३३८ जना युएईबाट आज नेपाल आईपुगेका थिए । नेपाल एयरलाईन्सको बिमानबाट आजै युएईबाट थप १५० जना नेपाल आईपुग्दै गरेको सीसीएमसीले जनाएको छ ।
विवरण :
| सि.नं. | आएको देश | फ्लाईट नं. | आएको समय | प्रदेश
नं.1 |
प्रदेश नं.2 | बागमती प्रदेश | गण्डकी प्रदेश | प्रदेश नं.5 | कर्णाली प्रदेश | सु.प. प्रदेश | आएको जम्मा | कै. |
| 1. | कतार | RA-2392 | 07:50 | 23 | 12 | 50 | 20 | 39 | 0 | 5 | 149 | |
| 2. | साउदी अरब | RA-2192 | 07:40 | 53+1 | 37 | 49 | 42 | 51 | 5 | 9 | 246+1 | शिशु 1 सहित |
| 3. | यू.ए.ई. | H95672 | 09:50 | 37 | 10 | 54 | 22 | 24 | 3 | 3 | 153 | |
| 4. | कुवेत | JZ1541 | 11:49 | 54 | 4 | 61 | 14 | 30 | 3 | 0 | 166 | |
| 5. | यू.ए.ई. | FZ8627 | 15:00 | 62 | 18 | 48 | 30 | 23 | 1 | 3 | 185 | |
| 6. | बंगलादेश | RA-4262 | 17:12 | – | – | – | – | – | – | – | 250 | बिस्तृत विवरण प्राप्त हुन बाँकी |
प्रतिक्रिया