काठमाडौं । बुधबार कोरोना भाइरसका ११६ जना नयाँ संक्रमित थपिएका छन् ।
२४ घण्टामा ५ हजार ९० जनामा गरिएको परीक्षणमा ११६ जनामा संक्रमण पुष्टि भएको स्वास्थ्य तथा जनसंख्या मन्त्रालयलका प्रवक्ता प्राडा. जागेश्वर गौतमले जानकारी दिए ।
यससँगै हालसम्म कुल संक्रमितको संख्या १७ हजार १७७ पुगेको छ ।
देशभर विभिन्न आइसोलेसन सेन्टरमा ६ हजार ११३ जना संक्रमितले उपचार गराइरहेका छन् ।
यसैगरी २४ हजार ५२७ जना व्यक्तिहरु विभिन्न क्वारेन्टिनमा रहेका छन् ।
पछिल्लो २४ घण्टामा ६९७ जना कोरना संक्रमणबाट निको भएर घर फर्किएका छन् । यससँगै हालसम्म घर फर्किनेको संख्या ११ हजार २५ पुगेको छ ।
प्रति १० लाखमा मृत्युदर नेपालमा १ दशमलव ३ प्रतिशत रहेको छ ।
प्रतिक्रिया