नेपालगन्ज । भारतबाट घर फर्कँदै गरेका एक व्यक्तिमा कोरोना संक्रमण देखिएको छ । भारतको देहरादुनबाट आएका बर्दियाका २६ वर्षीय महेशकुमार थारुमा कोरोना संक्रमण देखिएको हो ।
भारतबाट नेपालगन्ज नाका हुँदै घर फर्कँदै गरेका थारुलाई आरडीटी जाँच गर्दा कोरोना देखिएको स्वास्थ्य कार्यालय, बाँकेका सूचना अधिकारी नरेशबाबु श्रेष्ठले बताए । श्रेष्ठका अनुसार कोरोना देखिएपनि थारुमा कुुनै लक्षण भने देखिएको थिएन । लक्षण देखिएमा भेरी अस्पतालमा लगेर पीसीआर गर्ने गरिएपनि थारुमा कुनै लक्षण नदेखिएपछि मास्क दिएर घर पठाइएको उनले बताए । आरडीटी जाँच गर्दा कोरोना देखिएका कारण उनलाई लक्षणको बारेमा र अपनाउनुपर्ने सावधानीका बारेमा काउन्सिलिङ गरेर पठाइएको श्रेष्ठले बताए ।
भारतमा धमाधम कोरोना संक्रमण फैलिएको देखिएपछि नेपालगन्ज नाका हुँदै भारतबाट आएका शंकास्पद व्यक्तिलाई कोरोना जाँच्ने गरिएको छ ।
प्रतिक्रिया