चितवन । पहाडी जलाधार क्षेत्रमा अत्याधिक वर्षा भएपछि नारायणी नदीको बहाव निकै बढेको छ ।
नारायणीको जलसतहले खतराको तह समेत पार गरेको छ स्थानीय प्रशासनले जनाएको छ । बाढीले नदी किनारमा रहेका हात्तिका दुई वटा प्रतिमा बगाएको छ ।
देवघाट स्थिन बाढी मापन केन्द्रमा नारायणीको जलसतह ९ दशमलव १२ मिटर मापन गरिएको छ ।
नदीको जलसतह ८ मिटर पुगेपछि खतरको तह मानिन्छ । यस्तै, नारायणी पुल मुनिको जलसतह १२ दशमलव २४ पुगेको छ ।
पानी पर्ने क्रम नरोकिएका कारण अझै पानीको सतह बढ्ने भन्दै चितवन र नवलपरासी प्रशासनले चेतावनी जारी गरेको छ ।
नदीको तटीक्ष क्षेत्रमा बस्ने चितवन र नवलपरासीका मानिसलाई सतर्कता अपनाउन दुवै जिल्लाका अधिकारीहरुले आग्रह गरेका छन् ।
प्रतिक्रिया