काठमाडौ । नेपाल राष्ट्र बैंकले बैंक तथा वित्तीय संस्थालाई सबै शाखा कार्यालय खोल्न निर्देशन दिएको छ ।
राष्ट्र बैंकले बिहीबार परिपत्र जारी गर्दै ‘सिफ्ट सिस्टम’ हटाई सम्पूर्ण सुरक्षाको पालना गर्दै सामाजिक दूरी कायम गरी शाखा कार्यालय खोल्न निर्देशन दिएको हो ।
कोरोनाको संक्रमण बढेको भन्दै बैंक तथा वित्तीय संस्थाहरुले सरकारले लकडाउन गरपछि ‘सिफ्ट सिस्टम’लागु गर्दै सीमित संख्यामा शाखा कार्यालय सञ्चालन गरेका थिए ।
बैंकिङ कारोवारको समयसम्म नियमितरुपमा बैंक तथा वित्तीय संस्थाका शाखा खोलेर सेवाग्राहीलाई सेवा दिन राष्ट्र बैंकले जारी गरेको परिपत्रमा उल्लेख छ ।
केन्द्रीय बैंकले स्वास्थ्यसम्बन्धी मापदण्डको पूर्ण परिपालना गर्न, कार्यालयमा भीडभाड कम हुने वातावरण बनाउन समेत निर्देशन दिएको छ । यस्तै राष्ट्र बैंकले विद्युतीय कारोवारलाई समेत प्रोत्साहन गर्नुपर्ने बताएको छ ।
प्रतिक्रिया