काठमाडौं । डिजिटल प्रविधिमा फड्को मार्दै नयाँ नयाँ सेवा सुविधाहरु प्रदान गर्दै अघि बढेको सनराइज बैंकले महिलालाई प्रविधिमैत्री बनाउले उद्देश्य स्वरुप सनराइज नारी बचत खाता सुरुवात गरेको छ ।
बैंकले तीजको विशेष अवसर पारेर सुरुवात नारी बचत खाताको सुरुवात गरेको हो । नारी बचत खाताले महिलाहरुको सशक्तीकरणमा महत्वपूर्ण भूमिका खेल्ने विश्वास बैंकले लिएको छ।
चाडबाडको मौसमलाई मध्यनजर गर्दै बैंकले उक्त खाता शुन्य मौज्दातमा खोल्न सकिने व्यवस्था ल्याएको हो । साथै बैंकले पहिलो वर्ष निःशुल्क डेबिट कार्ड, मोबाइल बैंकिङ्ग र निःशुल्क डिम्याट खाता, लकर चार्जमा ५० प्रतिशत छुट र केही गर्ने उद्देश्य राखेका महिलाहरुलाई प्रोत्साहन पुगोस् भनी कर्जा लिदाको प्रक्रियागत खर्चमा विशेष छुटको व्यवस्था समेत गरेको छ ।
साथै महिलाहरुले डिजिटल भुक्तानी गर्दा भुक्तानी रकमको १० प्रतिशत वा रु २,००० सम्मको क्यास व्याक दिने व्यवस्था समेत बैंकले गरेकोे छ । विभिन्न स्वास्थ्य बीमा समेत समावेश रहेको उक्त खाता हाल यस लकडाउनको अवस्थामा ग्राहकहरुले घर बसीबसी अनलाइनबाट खोल्न सकिने बैंकले जनाएको छ ।
प्रतिक्रिया