बुटवल । जिल्ला प्रशासन कार्यालय रुपन्देहीले भाद्र १ गतेबाट १ साताका लागि जारी गरेको निषेधाज्ञा १ साता लम्बिने भएको छ । जिल्ला स्तरिय कोभिड १९ क्राईसिस मेनेजमेन्ट सेन्टर (सिसिएमसि)को आईतबार प्रदेश ५ सरकारको आन्तरिक मामिला तथा कानुन मन्त्रालयमा बसेको बैठकले जिल्लामा १ साता निषेधाज्ञा थप्न जिल्ला प्रशासन कार्यालयलाई सिफारिस गर्ने निर्णय गरेपछि रुपन्देहीमा भदौ १४ गतेसम्म निषेधाज्ञा जारी रहने भएको हो ।
रुपन्देहीका प्रमुख जिल्ला अधिकारी महादेव पन्थको अध्यक्षतामा सिसिएमसिको बैठकले कोरोना भाइरसको संक्रमण बढ्दै गएको र संक्रमण समुदाय स्तरमै फैलिएको ठहर गर्दै निधेषाज्ञा जारी राख्न सिफारिस गरेको हो।
सिसिएमसिको सिफारिसका आधारमा निषेधाज्ञाको अवधि थप्ने सुचना जारी गर्ने तयारी गरिएको रुपन्देहीका प्रमुख जिल्ला अधिकारी माहादेव पन्थले बताए । पन्थका अनुसार जिल्लास्तरीय सिसिएमसिको बैठकको सो सिफारिशका आधारमा जिल्ला प्रशासन कार्यालयले अर्को आदेश जारी गर्ने तयारी गरेको छ।
यस अघि जिल्ला प्रशासनले जारी गरेको निषेधाज्ञा आज राती १२ बजे समाप्त हुँदै थियो ।
प्रतिक्रिया