पाल्पामा कोरोना संक्रमणबाट ३० वर्षीया महिलाको मृत्यु

खबरकुरा संवाददाता

१३ भदौ २०७७, शनिबार

पाल्पा । शुक्रबार पाल्पामा थप एक जना कोरोना संक्रमितको मृत्यु भएको छ ।

जिल्लाको तानसेन नगरपालिका वडा नम्वर–८ मदनपोखरा निवासी ३० वर्षीया महिलाको शुक्रबार साँझ मृत्यु भएको छ । लुम्बिनी मेडिकल कलेज पाल्पाले जनाएको छ ।

पाल्पामा कोरोना संक्रमणको उपचार गराईरहेकी ती महिलाको लुम्बिनी मेडिकल कलेजको आइसोलेशन सेन्टरमा उपचार भइरहेको थियो ।

उनलाई भदौ ७ गते कोरोना पोजेटिभ देखिएपछि अस्पतालमा ल्याइएको थियो । उनमा मुटु सम्बन्धि समस्या रहेको बताइएको छ । पाल्पामा यसअघि कोरोनाको कारण एक पुरुषको निधन भएको थियो ।

प्रकाशित मिति : १३ भदौ २०७७, शनिबार ७ : ०८ बजे