नेपालगन्ज । अर्घाखाँचीका एकजना कोरोना संक्रमितको बाँकेमा उपचारका क्रममा मृत्यु भएको छ ।
भिम अस्पतालले रेफर गरेको अर्घाखाँचीका एकजना टिप्पर चालकको आज नेपालगन्ज मेडिकल कलेज कोहलपुरमा उपचारका क्रममा मृत्यु भएको हो ।
आर्घाखाँची सितगंगा-१२ का ४२ वर्षि पुरुषको आज बिहान ९ः२० मा मृत्यु भएको स्वास्थ्य कार्यालय बाँकेका कोरोना फोकलपर्शन नरेश श्रेष्ठले पुष्टि गरे ।
श्रेष्ठका अनुसार गत श्रावण २७ गते टिप्पर दुर्घटना भएर युनिभर्सल मेडिकल कलेज शिक्षण अस्पताल भैरहवामा भर्ना भएका उनको भाद्र ५ गते कोरोना पुष्टि भएको थियो । भाद्र ५ देखि ९ गते सम्म भैरहवामा उपचारगर्दा स्वास्थ्यमा सुधार नआएपछि कोहलपुर रेफर गरिएपनि ११ गते मात्र उनी नेपालगन्ज मेडिकल कलेज कोहलपुर उपचारका लागि पुगेका थिए । उपचारका क्रममा आज बिहान उनको मृत्यु भएको थियो ।
यस अघि अछाम र कैलालीबाट उपचारका लागि कोहलपुर पुगेका कोरोना संक्रमितको २ जनाको पनि मृत्यु भईसकेको छ ।
प्रतिक्रिया