काठमाडौं । कोरोना भाइरसको संक्रमणबाट पछिल्लो २४ घण्टामा ८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार ६ जिल्लाका ८ जनाको मृत्यु भएको हो ।
जसमध्ये ४ जना महिला र ४ जना पुरुष रहेको मन्त्रालयले अद्यावधिक गरेको पछिल्लो कोरोना विवरणमा जनाइएको छ ।
काठमाडौंमा ७१ र ७४ वर्षीया २ जना महिलालले ज्यान गुमाएका छन् । यस्तै, काभ्रेपलाञ्चोकका ५५ वर्षीया महिला र बाराका ४६ वर्षीया महिलाको मृत्यु भएको छ ।
यसैगरी, सुनसरीका ७० वर्षीय, सप्तरीका३५ वर्षीय, काभ्रेका ४१ वर्षीय र कास्कीका ७० वर्षीय पुरुषको पनि मृत्यु भएको मन्त्रालयले जनाएको छ ।
यससँगै हालसम्म मृत्यु हुनेको संख्या ३७९ पुगेको छ । यो कुल संक्रमितको ० दशमलव ६५ प्रतिशत हो ।
प्रतिक्रिया