काठमाडौं । काठमाडौं उपत्यकामा कोरोना संक्रमित बढ्ने रफ्तार झन पछि झन बढ्दैछ ।
आइतबार देशभर १३ सय २५ संक्रमित थपिँदा उपत्यकामा मात्रै ७६७ जना संक्रमित थपिएका छन् ।
स्वास्थ्य तथा जनसंख्या मन्त्रालयले आइतबार अपरान्ह अपडेट गरेको पछिल्लो तथ्यांक अनुसार काठमाडौंमा मात्रै ६०२ जना संक्रमित थपिएका छन् ।
भक्तपुरमा १०१ जना संक्रमित बढेका छन् । यस्तै ललिलतपुरमा ६४ जनामा संक्रमण पुष्टि भएको छ ।
देशभर जम्मा ९ हजार ५८४ पीसीआर गर्दा १३ सय २५ संक्रमित थपिँदा काठमाडौंमा मात्रै ५० प्रतिशत भन्दा बढी संक्रमित थपिनुले उपत्यकाभित्र संक्रमणको भयावह अवस्थालाई प्रष्टयाउँछ ।
सबैतिर खुला भएको अवस्थामा आफ्नो र आफ्नो परिवारको स्वास्थ्य अवस्थामा ध्यान नदिने हो भने उपत्यकाभित्रका जो सुकै पनि संक्रमित बन्न सक्ने अवस्था देखिएको छ ।
प्रतिक्रिया