बुटवल । रुपन्देहीमा एका बिहानै एक जना कोरोना संक्रमितको मृत्यु भएको छ । कोरोना बिशेष अस्पतालमा उपचाररत ७९ वर्षिय पुरुषको मृत्यु भएको लुम्बिनी प्रादेशिक अस्पतालले जनाएको छ ।
गत असोज १९ गते कोरोना संक्रमण पुष्टि भएका उनी २० गते कोरोना बिशेष अस्पताल भर्ना भएका थिए । देवदह नगरपालिका १० का जेष्ठ नागरिकको भेन्टिलेटरको सहयोगमा उपचार भईरहेकोमा आज बिहान ७ः३० बजे उनको मृत्यु भएको अस्पतालका प्रवक्ता डा. बिष्णु गौतमले जानकारी दिए ।
आज थपिएसँगै रुपन्देहीमा कोरोना संक्रमितको मृत्यु हुनेको संख्या ४० पुगेको छ ।
प्रतिक्रिया