बुटवल । अर्घाखाँचीबाट उपचारका लागि बुटवल पुगेका थप एक जना कोरोना संक्रमित आईसीयू खालि नभएका कारण मृत्यु भएको छ । रुपन्देहीका सबै कोरोना अस्पतालमा आईसीयू भरिएपछि दाङको बेलझुण्डी लैजाँदा लैजाँदै संक्रमितको मृत्यु भएको हो ।
असोज २७ गते कोरोना संक्रमित पुष्टि भएका अर्घाखाँची भुमिकास्थान(९का ७३ वर्षिय पुरुषको आईसीयू बेडका लागि दाङ लैजाने क्रममा बाटोमा मृत्यु भएको लुम्बिनी अस्पतालले पुष्टि गरेको छ ।
२८ गते देखि धागो कारखाना स्थित कोरोना बिशेष अस्पतालमा उपचाररत उनको मध्यराती स्वास्थ्यमा समस्या देखिएपछि अस्पतालले दाङको बेलझुण्डी रेफर गरेको थियो । दाङ लैजाने क्रममा बिहान ७ः४५ बजे उनको मृत्यु भएको अस्पतालका प्रवक्ता डा. विष्णु गौतमले बताए ।
लगातार थपिएको लक्षण सहितको कारोना संक्रमितहरुले रुपन्देहीका आईसीयू भरिसकेका छन् भने आईसीयू बाहेकका बेडहरु पनि नपाउने अवस्था सिर्जना भएको छ ।
प्रतिक्रिया