आजको मौसम : पहाडी क्षेत्रमा आंशिकदेखि सामान्य बदली, केही क्षेत्रमा हल्का बर्षाको सम्भावना

काठमाडौं । देशभरको मौसममा प्रभाव पार्ने उल्लेखनीय मौसमी प्रणाली छैन । हाल देशका पहाडी भू-भागको मौसममा आंशिक वदली रहेको छ ।

देशका बाँकी भू-भागहरूको मौसममा सामान्यतया सफा रहेको जल तथा मौसम विज्ञान विभागले जनाएको छ ।

आज दिउँसो प्रदेश नं १, गण्डकी, कर्णाली र सुदुर पश्चिम प्रदेशका पहाडी भूभागहरुमा आंशिकदेखि सामान्य बदली हुनेछ ।

बाग्मती र लुम्बिनी प्रदेशमा आंशिक बदली रहनेछ । प्रदेश नं १, गण्डकी प्रदेश र सुदुरपश्चिम प्रदेशका पहाडी भू-भागका एक, दुइ स्थानमा हल्का बर्षाको सम्भावाना रहेको विभागले जनाएको छ ।

आज राती देशका पहाडी भू-भागहरुमा आंशिक बदली रहनेछ । बाँकी भू-भागमा मौसम सामान्यतया सफा रहनेछ । प्रदेश न १ का एक, दुइ स्थानमा हल्का बर्षाको सम्भावाना रहेको जल तथा मौसम विज्ञान विभागले जनाएको छ ।