पाल्पाको बेलौतीडाँडामा सवारी दुर्घटना, उद्योग बाणिज्य महासंघ निर्वाचन प्रचारमा हिँडेका २ व्यवसायिक नेताहरू घाइते 

बुटवल । पाल्पाको बगनासकाली गाँउपालिका बेलौतीडाँडामा सवारी दुर्घटना हुँदा नेपाल उद्योग बाणिज्य महासंघको निर्वाचनको प्रचारमा हिँडेका २ जना व्यवसायी नेताहरू गम्भीर घाईते भएका छन् ।
दुर्घटनामा परि महासंघको निर्वाचनको प्रचारमा निस्केका कोहलपुर उद्योग बाणिज्य संघका निवर्तमान अध्यक्ष चक्र अधिकारी र रोल्पा उद्योग बाणिज्य संघका निवर्तमान अध्यक्ष किशोर आचार्य घाईते भएका छन् । सडकबाट झण्डै सय मिटर तल गाडी खस्दा उनीहरू घाईते भएको जिल्ला ट्राफिक प्रहरी कार्यालय पाल्पाले जानकारी दिएको छ । घाइतेहरूको लुम्बिनी मेडिकल कलेज प्रवासमाा उपचार भइरहेको छ ।
प्रहरीका अनुसार घाइते अधिकारीको अवस्था गम्भीर रहेको छ । उनीहरू पाल्पा र गुल्मी उद्योग बाणिज्य संघका पदाधिकारीसँग भेटघाट गरि पोखरा तर्फ जाँदै थिए ।