काठमाडौं । हुण्डीको एक करोड रुपैयाँसहित प्रहरीको केन्द्रीय अनुसन्धान ब्यूरो (सिआइबी) ले तीनजनालाई पक्राउ गरेको छ ।
रकमसहित झापाका विकास मित्तल र कमल मित्तल तथा पर्वतका गणेश पौडेललाई सोमबार सिआइबीले पक्राउ गरेको हो ।
उनीहरूका साथबाट स्रोत नखुलेको एक करोड रूपैयाँ बरामद गरिएको प्रहरीको केन्द्रीय अनुसन्धान व्युरोले जनाएको छ ।
उनीहरुको ओमबहालमा मोबाइलका विभिन्न पार्ट्सको पसल रहेको छ । ब्युरोका डीआईजी सहकुल थापाका अनुसार मित्तलको पसलबाट ९९ लाख ८४ हजार नेपाली रुपैयाँ ८ सय अमेरिकी डलर बरामद गरिएको छ ।
उनीहरूले गैरकानुनी मानिएको हुण्डीको कारोबार गरेको प्रहरीको दाबी छ । पक्राउ परेकाहरूमाथि थप अनुसन्धान भइरहेको डिआईजी सहकुल थापाले बताए ।
प्रतिक्रिया