बुटवल । लुम्बिनी प्रादेशिक अस्पताल बुटवलको फिभर क्लिनीकमा उपचाररत एक जना कोरोना संक्रमितको मृत्यु भएको छ ।
स्वास्थ्यमा समस्या देखिएपछि कपिलवस्तु नगरपालिका ६ बाट सोमबार बिहान १० बजे अस्पतालको फिभर क्लिनीकमा ल्याईएका ७९ वर्षीय पुरुषको राती ९ बजे मृत्यु भएको अस्पतालले जनाएको छ ।
प्रादेशिक अस्पतालका प्रवक्ता डा.विष्णु गौतमका अनुसार अस्पताल भर्ना भएलगत्तै कोरोना संक्रमणको लक्षणका आधारमा पीसीआर परीक्षण गरिएकोमा सोमबार नै उनीमा संक्रमण पुष्टि भएको थियो । मध्यान्ह १ बजे संक्रमण पुष्टि भएपनि कोरोना बिशेष अस्पतालमा बेड खालि नभएका कारण उनलाई फिभर क्लिीनकमा राखेर उपचार गरिएको थियो ।
यस अघि पनि कोरोना बिशेष अस्पतालमा बेड नपाएकै कारण कम्तीमा ४ जना संक्रमितको ज्यान गईसकेको छ । कोरोना बिशेष अस्पतालमा बेड नपाएर धमाधम नागरिकको मृत्यु हुंदा पनि बेड थप गर्ने बिषयमा सम्बन्धित निकायले चासो नदिँदा कोरोना महामारी नाकगरिकका लागि जटिल बन्दै गएको छ ।
प्रतिक्रिया