बर्दिया । बर्दियाको मधुवन नगरपालिकाले एक हप्ताभित्र सबै विद्यालय सञ्चालनमा ल्याउने भएको छ । नगरपालिकाले स्वास्थ्य सुरक्षाका मापदण्ड अपनाएर विद्यालय सञ्चालनको तयारी गरेको हो ।
कोरोना भाइरसका कारण लामो समय देखी बन्द रहेका विद्यालय स्वास्थ्य सुरक्षाका मापदण्ड अपनाएर संचालनमा ल्याउने तयारी थालेको मधुवन नगरपालिकाका नगर प्रमुख गणेशबहादुर क्षेत्रीले जानकारी दिए । नगर प्रमुख क्षेत्रीले आगामी मंसिर १४ गते भित्र नगर भित्रका सम्पुर्ण विद्यालय सञ्चालनमा ल्याउने तयारी भएको बताए ।
गत मंसिर ६ गते बसेको मधुवन नगर शिक्षा समितिको वैठक र आज (सोमबार) वसेको नगर भरीका प्रधानाध्यापकहरुको वैठको निर्णय वमोजिम विद्यालय सञ्चालन गर्न लागिएको हो । वैठकमा कात्तिक २० गतेको मन्त्रिपरिषदको निर्णयवाट स्वीकृत विद्यालय सञ्चालन सम्बन्धीकार्य ढाचाँ २०७७ मा उल्लेख भएका ७ओटा विकल्प मध्ये उपयुक्त विकल्प अपनाई विद्यालय सञ्चालन गर्ने निर्णय भएको मधुवन शिक्षा शाखा प्रमुख नारायण प्रसाद खनालले बताए ।
मधुवन नगरपालिका सँगै बारबर्दिया नगरपालिका बाँसगढी नगरपालिका र गुलरिया नगरपालिकामा समेत एक साता भित्र विद्यालय सञ्चालन गर्ने तयारी भईरहेको छ ।
प्रतिक्रिया