पार्टीभित्र एकल निर्णय लाद्न नसकेपछि सत्तारुढ नेपाल कम्युनिष्ट पार्टी नेकपाका अध्यक्ष एवं प्रधानमन्त्री केपी शर्मा ओलीले संसद विघटनको आत्मघाती निर्णय गरेका छन् ।
ओलीको यो निर्णयसँगै नेपालको राजनीतिक इतिहासमा प्रतिनिधिसभाको पाँचवर्षे कार्यकाल बीचैमा समाप्त गर्ने प्रवृत्तिले निरन्तरता पाएको छ ।
प्रधानमन्त्री ओलीले आइतबार बिहान मन्त्रिपरिषदको आकस्मिक बैठक बसाली प्रतिनिधिसभा विघटन गर्न राष्ट्रपतिलाई सिफारिस गर्ने निर्णय गरेका थिए ।
संसद विघटन गर्न ओलीले राष्ट्रपतिसमक्ष सिफारिस गरेका छन् । शनिबार दिनभरको अन्तिम डौडधुपपछि पनि पार्टीभित्र आफु अनुकुल निर्णय हुने नदेखेपछि ओलीले दुई तिहाई नजिकको सरकारलाई कामचलाउन बनाउने निर्णय गरेका हुन् ।
सत्तारुढ नेकपाभित्र विवाद चुलिएपछि र झन भन्दन झन पछि पार्टीमा अल्पमतमा पर्दै गएपछि प्रधानमन्त्री ओलीले संसद विघटन गर्न राष्ट्रपतिसमक्ष सिफारिश गरेका हुन् ।
सत्तारुढ दलभित्रै अल्पमतमा रहेका प्रधानमन्त्रीको राजीनामाको माग चर्किरहेका बेला संसद विघटन गर्ने प्रस्ताव गर्न सक्ने पहिलेदेखि नै अनुमान गरिएको थियो ।
यद्यपी, वर्तमान संविधानले प्रधानमन्त्रीलाई संसद विघटन गर्ने अधिकार नदिएको संविधानविदहरूले बताएका छन् ।
प्रतिक्रिया