काठमाडौं । दिनभरी आफु निकट नेकपाका नेता कार्यकर्तासंग वार्तालाप गरेका गृहमन्त्री रामबहादुर थापा ‘बादल’ साँझ बालेवाटार पुगेर प्रधनमन्त्री केपी शर्मा ओलीसँग भेटवार्ता गरेका छन् । ओलीले बालुवाटार आउन भनेपछि ‘बादल’ बालुवाटार गएको बताईएको छ ।
बादल सोमबार साँझ प्रधानमन्त्री भेट्न बालुवाटार पुगेको उनको सचिवालयले पुष्टि गरेको छ । बालुवाटार पेगेर गृहमन्त्री ‘बादल’ले प्रधानमन्त्री ओलीसँग एक घण्टा कुराकानी गरेका थिए । भेटमा भएको कुराकानीबारे भने बालुवाटार र ‘बादल’ निकट दुबै श्रोतले सार्वजानिक गर्न चाहेन ।
दिनभरी जसो पूर्व माओबादी समूहमा बादल निकट रहेर लामो समय काम गरेका नेकपाका नेता कार्यकर्ताको दवाव खेपेका बादल साँझ बालुवाटार पस्नुलाई अर्थपूर्णरुपमा हेरिएको छ । नेकपाभित्रको विवाद उत्कर्षमा पुगेका बेला प्रधानमन्त्री र गृहमन्त्री बीच भएको भेटले राजनीतिमा नयाँ तरङ्ग ल्याएको छ । बादल भेटन दिउँसो नेकपाका नेता पम्फा भुसाल, देव गुरुङ, हितमान शाक्य, रामदीप आचार्य, अमृता थापामगर, लेखनाथ न्यौपाने, मनोज थापा, यशोदा सुवेदी, सूर्यप्रकास सुवेदी, मायाप्रसाद शर्मा, युवराज भराई, सुरेश आलेमगर, महेश्वर दाहाल लगायतको टोलि मन्त्री क्वाटर पुल्चोक पुगेका थिए ।
सुरुमा कित्ता परिवर्तन गर्दै ओली समूहमा लागेको भनिएका बादल आज ओली गुटले गरेको भेलामा पनि सहभागी भएका थिएनन् । बादल भेटन गएका नेकपा नेताहरुले बादलको आधकारीक धारणा छिट्टै आउने बताएका थिए ।
प्रतिक्रिया