नेकपा प्रचण्ड समूहको संसदीय दलको बैठक बस्दै, दलको नेतामा प्रचण्डलाई चयन गरिँदै

काठमाडौं ।  नेपाल कम्युनिष्ट पार्टी (नेकपा) प्रचण्ड–माधव समूहले संसदीय दलको बैठक आह्वान गरेको छ । आज मध्यान्ह १ बजेका लागि संसदीय दलको बैठक बोलाईएको हो ।

आजको बैठकमा संसदीय दलको नेता चयन गर्ने एजेण्डा तय रहेको बताइएको छ । मंगलबार बसेको सो समूहको केन्द्रीय कमिटी बैठकले पार्टी अध्यक्ष केपी शर्मा ओलीलाई अध्यक्षबाट हटाएर माधव नेपाललाई अध्यक्षमा चयन गरेको थियो । आज बस्ने संसदीय दलको बैठकले संसदीय दलको नेताबाट पनि ओलीलाई हटाई अध्यक्ष प्रचण्डलाई  दलको नेता चयन गर्ने पार्टीको उच्च श्रोतले जनाएको छ ।

उता नेकपा ओली समूह उपलब्ध अल्पमत साबिक नेकपाको केन्द्रीय समितिको बैठकले केन्द्रीय समितिको बिस्तार गर्नुका साथै प्रवक्ता नारायणकाजी श्रेष्ठलाई हटाएर प्रदिप ज्ञवालीलाई चयन गरेको थियो । प्रचण्ड माधव समूहसँग प्रतिनिधिसभा र राष्ट्रियसभामा गरि ११४ भन्दा बढी सांसद रहेको सो समूहले दाबी गर्दै आएको छ ।