काठमाडौं । नेकपा ओली पक्षले आफ्ना युवा कार्यकर्ता लगाएर धुम्बाराहीस्थित पार्टी केन्द्रीय कार्यालयमा ताला लगाएपछि नेकपा प्रचण्ड–नेपाल पक्षले पूर्व नेकपा एमालेको केन्द्रीय कार्यालय रहेको मदननगर बल्खुमा आफ्नो पार्टी केन्द्रीय कार्यालय बनाउने भएको छ ।
काठमाडौमा बिहीबार बसेको प्रचण्ड–नेपाल पक्षको बैठकले बल्खुस्थित मदन आश्रीत भवनलाई केन्द्रीय कार्यालय बनाउने निर्णय गरेको हो ।
केन्द्रीय कमिटी बैठक सकिएलगत्तै अध्यक्षद्वय पुष्पकमल दाहाल प्रचण्ड र माधवकुमार नेपाल सहितका नेताहरु बल्खु पुगेर मदन भण्डारीको शालिकमा मल्यार्पण गरेका थिए ।
भूकम्पबाट क्षतिग्रस्त बनेको तत्कालीन एमालेको पार्टी कार्यालय अगाडि रहेको मदन भण्डारीको शालिकमा माल्यार्पण गर्न वरिष्ठ नेता झलनाथ खनाल र अमृतकुमार बोहोरा पनि बल्खु पुगेका थिए ।
मदननगर बल्खुस्थित उक्त स्थानसँग आफूहरुको सम्बन्ध गाँसिएको भन्दै प्रचण्ड–नेपाल समूहले पार्टीको भवन बनाउने दाबी गरेको हो । त्यसक्रममा अध्यक्ष माधवकुमार नेपालले नेकपाको मूलधार आफुहरु भएको दाबी गरेका थिए ।
प्रतिक्रिया