काठमाडौं । नेपाली वाम आन्दोलनका वरिष्ठ नेता स्वनाम साथीको निधन भएको छ।
केहि दिनदेखि मोडल अस्पताल काठमाडौमा उपचारमा रहेका स्वनामको शुक्रबार राती ९ बजे निधन भएको स्वनामको पारिवारीक स्रोतले जनाएको छ ।
लामो समय मिर्गौला रोगबाट पीडित भएका उनलाई पछिल्लो कोरोना संक्रमण समेत भएको थियो । निमोनियासँगै कोरोना संक्रमण भएपनि उनी आइसोलेसनमा बसेर कोरोना मुक्त भईसकेका थिए । केही दिनदेखि बिरामी भएका उनले मोडलमा उपचार चलिरहेको थियो। उपचारका क्रममा आज साँझ उनको मृत्यु भएको हो ।
जिवनमा लामो समय सक्रिय वामपन्थी आन्दोलनमा क्रियाशील स्वनामले पछिलो समय सीमा बचाऔँ अभियान चलाईरहेका थिए ।
म्याग्दीमा जन्मेका स्वनाम उनले वामपन्थी राजनीतिका लागि राखेको नाम हो । म्याग्दीको अर्मनमा १७ साउन २००७ मा जन्मेका उनको वास्तविक नाम शशी शेरचन हो । उनी २०२५ सालदेखि नै नेपाली कम्युनिस्ट आन्दोलनमा सक्रिय थिए।
प्रतिक्रिया