काठमाडौं । सनराइज बैंक लिमिटेडको १३ औं वार्षिक साधारणसभा सम्पन्न भएको छ ।
बैंकका संचालक समितिका अध्यक्ष मोतीलाल दुगडज्यूको सभापतित्वमा शुक्रबार सम्पन्न साधारणसभाले बोनस सेयर र नगद लाभांश बाँड्ने निर्णय गरेको छ ।
साधारण सभाले बैंकको चुक्ता पूँजीको ५.८०% प्रतिशतका दरले हुने ५२ करोड एक लाख ३३ हजार ६३ रुपैयाँ २९ पैसा बराबरको बोनस शेयर तथा चुक्ता पूँजीको २.४८% का दरले हुने नगद लाभांश २२ करोड २४ लाख एक हजार सात सय २३ रुपैयाँ ६२ पैसा (बोनस शेयर र नगद लाभांशमा लाग्ने कर प्रयोजनको लागि समेत) वितरण गर्न स्वीकृत गर्ने प्रस्ताव पारित गरेको छ ।
प्रतिष्ठित व्यावसायिक घरानाहरु संस्थापक तथा कुशल व्यवस्थापक रहेको यो बैंक मिति २०६४ साल आश्विन २५ मा स्थापना भएको हो ।
बैंकको हाल चुक्ता पूँजी ८ अर्ब ९६ करोड रहेकोमा साधारण सभाबाट पारित बोनस शेयर बितरण पश्चात बैंकको चुक्ता पूँजीमा बृद्धि भई ९ अर्ब ४८ करोड ७९ लाख ४४ हजार चारसय ९९ रुपैयाँ ३९ पैसा कायम हुन गएको छ ।
देशको विभिन्न क्षेत्रमा छरिएर रहेका सर्वसाधारण वर्ग, कृषिजन्य उद्योग, साना तथा मझौला उद्योग, जलविद्युत आयोजना, व्यापार व्यवसायमा संलग्न व्यापारिक घराना समेतलाई सनराइज बैंकको सेवामा आवद्ध छन् ।
बैकले हाल १३९ वटा शाखा, ६१ वटा शाखारहित बैंकिङ्ग सेवा, ११ वटा एक्सटेन्सन काउण्टर, १६१ वटा ए.टि.एम मार्फत आफ्ना ७ लाखभन्दा बढी ग्राहकहरुलाई सेवा प्रदान गर्दै आइरहेको छ ।
प्रतिक्रिया