बुटवल । रुपन्देहीको कञ्चन गाउँपालिकामा दुई दिदीबहिनीमाथि यौन दुब्र्यवहार सहित सामूहिक बलात्कार गर्ने कार्यमा संलग्न मध्य २ जना पक्राउ परेका छन् । सामुहिक बलात्कार र नग्न फोटो सार्वजनिक गरेको आरोपमा जाहेरी परेका ४ जना मध्य एक प्रहरी जवानसहित दुईजना पक्राउ परेको रुपन्देही प्रहरीले जनाएको छ ।
गत कात्तिक २३ गते कञ्चन गाउँपालिका ४ भैसाहीमा दुईजना दिदी बहिनीसँगै बसेको बेला एक जनामाथि सामुहिक बलात्कार भएको थियो भने अर्कीको नग्न फोटो खिचेर सार्वजानिक गरिएको थियो ।
उक्त घट्नामा चारजना विरुद्ध जाहेरी परेको र त्यस मध्ये दुई जनालाई पक्राउ गरिएको जिल्ला प्रहरी कार्यालय रुपन्देहीका प्रहरी प्रमुख एसपी प्रविण पोखरेलले बताए ।
गत कार्तिक २३ गते बेलुका साढे ८ बजे भएको घटनामा २ जना प्रहरी र २ जना साधारण नागरिक संलग्न भएको पोखरेलले बताए । ।
पक्राउ परेका कपिलवस्तुको बाणगंगा नगरपालिका घर भएका ट्राफिक प्रहरी जवान विशाल शर्मा र सोही ठाउँका गुरुचरण चौधरी हुन् । उनीहरु माथि म्याद थप गरेर अनुसन्धान थालिएको एसपी पोखरेलले बताए।
प्रतिक्रिया