काठमाडौं । प्रचण्ड नेपाल नेतृत्वको नेपाल कम्युनिष्ट पार्टी नेकपाका वरिष्ठ नेता झलनाथ खनालले केपी ओली राजनीतिक रुपले पराजित भैसकेको दाबी गरेका छन् ।
काठमाडौंमा आयोजित वृहत विरोधसभालाई सम्बोधन गर्दैै वरिष्ठ नेता खनालले ओली सैद्धान्तिक रुपमा पराजित भएका कारण पशुपतिमा पुगेर संकल्प पूजा गर्ने अवस्थामा पुगेको बताएका हुन् । खनालले भने, ‘ओलीलाई अब माक्र्सवाद र विज्ञानमाथि विश्वास छैन भविष्यप्रति विश्वास छैन त्यसैले पशुपतिमा मूर्तिमाथि विश्वास छ ।’
खनालले प्रगितमन र ओलीको निरंकुशता विरुद्धको आन्दोलन सफल नबनाइ नेकपाले विश्राम नलिने प्रतिवद्धता जनाए । उनले सबै राजनीतिक दल र शक्तिलाई संयुक्त आन्दोलनमा सहभागी हुन अपिल समेत गरे ।
‘हामी स्थायित्वका लागि लडिरहेका छौ । हाम्रो बाटो समाजवाद हो । ५८ वर्ष लगाएर सामन्तवादलाई समाप्त पार्यौं । १० वर्ष लगाएर राम्रो संविधान बनायौं । त्यो संविधान आज ओलीले भत्काएका छन् ।’, खनालले थपे, ‘यो आन्दोलन नेकपाको दुई गुटको आन्दोलन हैन, यो प्रतिक्रान्ति विद्धको आन्दोलन हो । यो अर्को क्रान्ति हो । यो सबै नेपाली जनताको आन्दोलन हो । प्रतिगमन विरुद्ध हामी अर्को क्रान्ति गर्दैछौं । तानाशाही गुटका विरुद्ध सिंगो देशको आन्दोलन हो । आउनुहोस त्यसैले सबै मिलेर आन्दोलन गरौं ।’
प्रतिक्रिया