काठमाडौं । प्रचण्ड नेपाल नेतृत्वको नेपाल कम्युनिष्ट पार्टी नेकपाका अध्यक्षद्वय पुष्पकमल दाहाल प्रचण्ड र माधवकुमार नेपालले नेपाली कांग्रेसका सभापति शेरबहादुर देउवासँग भेट गरेका छन् ।
चितवनबाट काठमाडौं फर्किए लगत्तै अध्यक्षद्वय प्रचण्ड र नेपालले देउवा निवास पुगेर भेट गरेका हुन् । दिउँसो सवा १ बजे पुगेका प्रचण्ड नेपाल १ बजेर ३५ मिनेटमा फर्किएका थिए ।
भेटमा सर्वोच्च अदालतले प्रतिनिधिसभा पुनर्स्थापना गरेपछि विकसित घटनाक्रम र उनीहरुबीच अब कसरी अगाडि बढेर जाने भन्ने बारेमा छलफल भएको देउवाका सहयोगी भानु देउवाले बताए ।
आआफ्ना पार्टीभित्र छलफल गरेर फेरि छलफलमा बस्ने सहमति भएको छ । नेकपा स्थायी कमिटी बैठक आजै अपरान्ह बस्दैछ ।
नेपाली काँग्रेसले पनि आजै पार्टी पदाधिकारी बैठक बोलाएको छ ।
प्रतिक्रिया