काठमाडौं । दलहरुकाबीच सत्ता समिकरणका बिषयमा घनिभुत छलफल चलिरहेका बेला राष्ट्रपति विद्यादेवी भण्डारीले मंगलबार सर्वदलीय बैठक बोलाएकी छिन्।
संसदमा प्रतिनिधित्व गर्ने गरि राजनीतिक दलका अध्यक्षहरुलाई बोलाइएको सर्वदलिय बैठकमा पूर्व प्रधानमन्त्रीहरुलाई पनि निम्ता पठाईएको छ।
प्रधानमन्त्री केपी शर्मा ओलीको सिफारिशमा राष्ट्रपति भण्डारीले पुस ५ गते प्रतिनिधि सभा विघटन गरेकी थिइन्। सो कदमको व्यापक विरोध भएको थियो।
प्रधानमन्त्रीले गरेको सिफारिशबारे अन्य राजनीतिक दल तथा सम्बन्धित विज्ञसँग परामर्श समेत नगरी तुरुन्तै अनुमोदन गरेको भनी बिभिन्न क्षेत्रबाट राष्ट्रपतिको कदमको आलोचना समेत गरिएको थियो।
बैठकमा नेकपा एमाले, नेपाली कांग्रेस, नेकपा माओवादी केन्द्र, जनता समाजवादी पार्टी, राप्रपा, नेपाल मजदुर किसान पार्टी र राष्ट्रिय जनमोर्चालाई बोलाइएको बताईएको छ ।
प्रतिक्रिया