संसदलाई प्रभावकारी बनाउन आफ्नो ध्यान केन्द्रीत भएको छ : सभामुख सापकोटा

काठमाडौं । सभामुख अग्निप्रसाद सापकोटाले आफ्नो ध्यान संसदलाई प्रभावकारी बनाउने तर्फ केन्द्रीत भएको बताएका छन् ।

संसदीय मामिला पत्रकार समाजका नवनिर्वाचित पदाधिकारीहरुलाई बधाई दिँदै सभामुख सापकोटाले संसदलाई प्रभावकारी बनाउन आफू लागिपरेको बताएका हुन् ।

संसदलाई जबाफदेही बनाउन संसदीय मामिला पत्रकार समाजले महत्वपूर्ण भूमिका हुने उल्लेख गर्दै सापकोटाले संसदका राम्रा नराम्रा कामको समिक्षा गर्न र स्वस्थ आलोचना गर्न समाजलाई आग्रह गरे ।

संसदको नतिजा नदेखिए पनि निरन्तर परामर्श गरिरहेको जानकारी दिँदै सभामुख सापकोटाले संसदलाई प्रभावकारी बनाउन सबै क्षेत्रको सरहयोग आवश्यक रहेको बताए ।

उनले नव निर्वाचित पदाधिकारी तथा सदस्यहरुको कार्यकाल सफलताको शुभकामना समेत ब्यक्त गरे ।